साथ तिमीसंगको… :- साइमोन ठाडा मगर

राम्री देखिएछौ अलिकति रिसाउँदा

झनै राम्री त्यसै माथि हाँसो मिसाउँदा।

नरिसाउँन तिमी, गल्ती भयो म बाट

तिमी त हौ साथ दिने बाटो बिराउँदा।

खुशीको त सिमा हुन्न तिमी साथ हुँदा

जुनी जिते जस्तो लाग्छ हात मिलाउँदा।

स्वर्ग कहाँ खोज्न जानु तिमी साथ लिई

खुशी मान्छु साथ तिमीसंग बिताउँदा।

साथ नछुटोस कैले पनि तिमीसंग

आउँनेछु सपनीमा तिमी निदाउँदा।

देश विकास… :-साइमोन ठाडा मगर

बनाउनु देश आफ्नै देशमा बसेर

नफाल जीवन खेर विदेश पसेर।

के हुँदैन आँटे हामीले यही देशमा

नबनौं हामी अन्धो कालो पट्टि बाँधेर।

बोल्नेहरु धेरै छन् गर्ने एक दुई

बोलेर होइन हामी देखाऔं गरेर।

अबुझ छन् धेरै देशको हालबारे

बुझिन्छ त कुरा पढेर भन्दा परेर।

विकासको सरुवात गरौँ आजैबाट

देखाउँ हाम्रो भकारी सुनले भरेर।