रिस… :- रविनसन रेग्मी

रचनाकार :- रविनसन रेग्मी 

सुन, सब कुराको चाल भो मलाई 

भन्दैछेस रे, लाजको बाल भो मलाई। 

बिताइस रे रमाइलोमै पलहरु

दुधभात र मोजको थाल भो मलाई। 

धन्न आइछस कुनै बेलामा तँ पनि

उफ्री उफ्री नाच्नलाई ताल भो मलाई। 

यस्ता जाबो बाटोमा ठोक्किन्छन जति नि

के गर्नु र यौवनको सवाल भो मलाई।

ओइली गयो एउटा फुल के भयो र मलाई  

फुलेपछि अर्को फेरी माल भो मलाई।

न सोधी गयौ… :- साइमोन ठाडा मगर

कस्तो छ मेरो हाल, न सोधी गयौ तिमी

छोडी हाम्रो नेपाल, न सोधी गयौ तिमी।

तिम्रो साथ जस्तो स्वर्ग छैन अन्त कतै

सुम्सुम्यादै कपाल, न सोधी गयौ तिमी।

सोधेको त थिँए के हुदैछ तिमीलाई

गर्दैमा छेक टाल, न सोधी गयौ तिमी।

के के गर्ने आशा थियो मेरो जिन्दगीमा

बाँकी हुदैं कमाल, न सोधी गयौ तिमी।

मायामा खेलवाड गर्ने भाको छु आज

बनाएर दलाल, न सोधी गयौ तिमी।

प्रेम पत्र… :- साइमोन ठाडा मगर

पाइन्छ र चोखो माया पत्र पठाऊँदैमा

लाइन्छ र चोखो माया पत्र पठाऊँदैमा।

थुप्रै आउछन् कुराहरु लेख्न पत्र भित्र

मागिन्छ र चोखो माया पत्र पठाऊँदैमा।

हाम्रो सम्बन्ध होस् दुनियाको उदाहरण

चाहिन्छ र चोखो माया पत्र पठाऊँदैमा।

सम्बन्ध त यस्तो होस् जुनी जुनी साथ दिने 

भातिन्छ र चोखो माया पत्र पठाऊँदैमा।

एक तर्फी मायाको स्वाद बेग्लै हुन्छ अरे

मातिन्छ र चोखो माया पत्र पठाऊँदैमा।